BAETIS

BAETIS

fluv. Hispaniae ulterioris a quo Baetica Hispaniae regio dicta. In quo lanas pulchrô colore tingi ostendit Martial l. 12. Epigr. 100. v. 1. in bis,

Baetis oliviferâ crinem redimite coronâ,

Aurea qui mtidis vellera tingis aquis.

Item nomen oppidi Plinio, l. 3. c. 1 Βαῖτις autem Punica vox est, ni fallor, a bat pernoctate. Unde Sil. Italicus,

---- Solisque cubilia Gades.

Tribus in locis, inquit Bochart. l. 1. Chanaan c. 34. stagnat Baetis, primo statim in ipso fonte, secundo prope Cordubam, tertio versus ostia, ubi aestuaria, et lacus Avernus, seu Libystinus. Arque ob id ipsum Punice Bitsi, i. e. paludosus dictus est. Tzade Ebraeum in T. mutârunt Graeci et Romani scriptores, ut in Tyro et Tani ex Tsor, et Tzoan. Neque alio pertinet, quod idem amnis ab accolis Πέρκης, 1. e. Perca nominabatur. Stephanus, Βαῖτις, ποταμὸς

κατα Ι᾿βηριανὁς Πέρκης Λἑγεται Υ῾πὸ τῶ ἐγχωρίων. Nempe Perca factum ex berca i. e. a Stagno; ut in Sicilia Percusa vel Pergusa dicebatur lacus Ennae vicinus, ubi Proserpina rapta est. Percam autem, five Percem, in Certem, aut Certim mutârunt scribae imperiti in his Livii, l. 28. c. 22. Martius superatô Baeti amni, quem incolae Certim appellant. Vide Voss. ad Melam p. 224. 225. Recipit hic fluv. fluvios Singilim, paulo infra Astigim, Corbonem, Guadarizam, Guadarmenam, et Frigidum, cum aliquot aliis rivis, et Andalusiam provinc. mediam secat. Oritur non longe a Basti, in confinio regni Mutciae, 27. leuc. a fontibus Ahae, et 40. ab Ortu Tagi in Meridiem. Salmasio Geminus oritur, ex monte Argentario, cuius meminit Avienus,

At mons paludem incumbit Argentarius,

Sic a vetustis dictus a specie sui:

Stannô iste namque latera plurimô nitet:

Et lacum haud procul a mari facit, e quo tamquam ex uno fonte geminus exoritur, quantusque simplici alveo venerat, tantus singulis effluit, ut inquit Pomp. Mela l. 3. c. 1. Amplexu autem suô insulam facir Tartesium, et ipse Tartessus dictus, cui stannum plurimum defert. Unde αργυροπέζους πηγας Ταρτηςςοῦ, argenteos pedes habentes Tartessi fontes, Stesichorus vocavit etc. Vide Salmas. ad Solin. p. 286. ut et infra in voce Tartessus.